Владимир Путин махсус хәрби операция темплары турында: «Тавык бөртекләп чүпли»
Россия Президенты Владимир Путин махсус хәрби операция темплары турында фикерен әйтте. «Тавык бөртекләп чүпли» («Курочка по зернышку клюет»), – диде ул. Путин сүзләренчә, операция темпларын арттыру хәрби югалтулар артуга китерәчәк. Бу турыда РИА Новости яза.
Хәрби хәрәкәтләр интенсификациясе акланмаган югалтуларга китерә, диде Путин махсус хәрби операция темплары турында сөйләгәндә.
«Ә моның ничек баруына килгәндә, мин күп тапкыр әйттем инде: хәрби хәрәкәтләрне интенсификацияләү – акланмаган югалтуларга китерә, тавык бөртекләп чүпли», – диде ул матбугат очрашуында.
Россия Украинада хәрби операцияне 24 февральдә башлады. Президент Владимир Путин аның максатын «сигез ел дәвамында Киев режимы тарафыннан мәсхәрәләүгә һәм геноцидка дучар булган кешеләрне яклау» дип атады. Аның сүзләренчә, «Украинаны «демилитаризацияләү һәм денацификацияләү», Донбассның «тыныч халкына каршы канлы җинаятьләр өчен җаваплы» бөтен хәрби җинаятьчеләрне судка бирү планлаштырыла.
- Путин 2023 елга Россиянең киләчәген һәм махсус хәрби операция барышын планлаштырды
- Путин күпме кешенең махсус операция зонасына китәргә әзерләнгәнен әйтте
- Владимир Путин: «Атом-төш сугышы куркынычы арта»
- Путин мобилизацияләнгәннәр турында: «Беркемгә дә ышанмагыз, миңа гына ышаныгыз»