Владимир Путин эш көнен нәрсәдән башлый?

Россия Президенты Владимир Путин эш көнен соңгы мәгълүмат белән танышудан башлый. Бу турыда ил башлыгының матбугат сәркатибе Дмитрий Песков «Москва. Кремль. Путин» тапшыруы вакытында «Россия 1» каналында әйтте.

Песков сүзләренчә, Путин эчке эшләр буенча да, халыкара эшләр буенча да апдейт уздыра — мәгълүмат белән эшли. Шуннан соң эшчәнлекнең гаммәви өлеше башлана.

«Ул төрле ведомстволардан килгән мәгълүмат белән эшли, аңа иң якын ярдәмчеләре килә, ул министрларны чакыра, шалтыратып, ситуация буенча сораулар бирә», — дип сөйләде Кремльнең рәсми вәкиле.