Владимир Путин дөнья белән кем идарә итәчәген әйтте
Бөтен дөньяда технологияләр һәм белемнәр өчен глобаль ярыш бара.
Технологияләр һәм белемнәр өчен глобаль ярышта алдынгылыкка чыгучылар дөнья белән идарә итәчәк, дип саный Россия Президенты Владимир Путин. Бу турыда ул фән һәм мәгариф советы утырышында әйткән. РИА Новости шул хакта язды.
«Без шуны күрәбез — бөтен дөньяда технологияләр һәм белемнәр өчен глобаль ярыш бик тиз үсә. Алга чыкканнар бөтен кешелекнең киләчәктәге үсешенә йогынты ясаячак», — ди ул.
Путин ассызыклаганча, фәнни һәм технологик суверенитет — Россиянең хәзерге һәм киләчәк тормышы өчен мөһим, лидерлар рәтендә булу өчен Россиядә барысы да бар.
Ул Хөкүмәткә фәнни-технологик үсешнең дәүләт программасын төзергә һәм фәнне финанслауны бюджет хисабына башкаруны яңача итеп ясарга кушты, диелә хәбәрдә.