Җырчы Виталий Агаповның улы, талантлы баянчы Владислав Агапов тиздән әти булачак. Туачак сабыйның җенесе дә билгеле инде. Гендер-патиның видеосын Владислав социаль челтәрләрдә күрсәтте. Әлеге видеода булачак бабай – Виталий Агапов бик кызык чыккан. Чөнки шарны шартлатыр алдыннан әби-бабайлар, апа-абыйларының барысыннан да бәбинең кем булачагын сорап чыкканнар. Күпчелек малай өчен тавыш биргән. Виталий Агапов барысыннан катырак итеп итеп «онык, малай, гармунчы» дип кычкырган. Ә шар эченнән ал төстәге ялтыравыклы кәгазьләр сибелгәч, Виталий Агаповның кәефе төшкәне ачыктан-ачык күренә. Владислав Агапов белән тормыш иптәше Регина кыз бала көтә. Аңа Афина дип исем кушачаклар.
- Виталий Агаповның улы өйләнгән — туй фотолары