Җәвит Шакировтан бер мәзәк
Җәвит Шакиров бер юбилейга китеп барышлый мәзәк сөйләп, үзе белән машинада баручыларның кәефләрен күтәргән.
Бер хатын ире белән сөйләшә икән:
Син беләсеңме бүген нинди көн?
Белмим.
Бүген минем әнинең туган көне
Ә-ә, ничә яшь?
60 яшь. Нәрсә бүләк итәбез?
Ну ничә яшь, шуның кадәр акча бүләк итәбез инде.
60 меңме?
60 мең түгел инде, аңа 60 мең яшь түгел бит, — дигән ире.
Җәвит Шакировның юлдашлары рәхәтләнеп көлешкәннәр. Инстаграмда утыручы дуслары да «шәп» дигән комментарийлар калдырганнар.
«Әй, Җәвит әвәнде, утырган җирдән дә уйлап чыгарып бәрәсез инде мәзәкләрне, шигырьләрегез шикелле үк»;
«Миңа да бүген 40 тулды, 40 сум көтеп калам»;
«Каян табып бетерәсез, ничек исегездә кала», — дип аптыраганнар.
Кайберәүләр юмор остасының куркынычсызлык каешын эләктермичә баруына игътибар иткән.
«Җәвит, каешыңны так, мең сум штраф, яме», — дип язганнар.