Җәвит Шакиров йөзү буенча тренер булып «эшли башлаган»
Артист бассейнда оныгын йөзәргә өйрәткән видео куйган.
Татарстанның халык, Башкортстанның атказанган артисты, нәфис сүз остасы Җәвит Шакиров вакытын бушка уздырмый, тренер булып «эшли». Беренче укучылары — оныклары.
Видеода артист кечесен йөзәргә өйрәтә, ә олы оныгы алар янында йөзә.
Җырчының виртуаль дуслары «чын дәү әти», «картәтәй кулыннан килсә, бәләкәчне очучы итеп самолётка утырып алып китәр иде», «оныгыгыз сезгә охшаган», «Җәвит 2 үсә», дип соклануларын белдергән.
«Мине дә йөзәргә өйрәтегез әле», - дип мөрәҗәгать иткән бер инстачы.