Зөлфия һәм Җәвит Шакировлар өченче тапкыр әби-бабай булырга җыена
Җырчыларның тагын бер оныклары туарга тора.
Зөлфия һәм Җәвит Шакировлар өченче тапкыр әби-бабай булырга җыена. Җәвит абыйның 60 яшенә олы уллары Илһамның гаиләсе тагын бер малай бүләк итәчәк. Бу хакта «Интертат» хәбәрчесенә, бик сөенеп, Зөлфия Шакирова әйтте.
«Ноябрь аенда Җәвит абыегызның юбилеена бик зур бүләк булып тагын бер оныгыбыз туарга тора. УЗИ үттеләр, тагын бер малаебыз булачак. Илһамның 9 яшьлек кызы һәм 4 яшьлек улы бар инде. Ә кечкенә улыбыз өйләнмәде әле», — диде ул.