Барлык язмалар news_header_top_970_100
news_header_bot_970_100
Язманы тыңлагыз

Винера Ганиева хейтерларга: «Мин хәзер шәлперәйгән әбигә әйләнергә тиешме?!»

Инстачылар җырчыга соклануларын белдергән.

news_top_970_100
Винера Ганиева хейтерларга: «Мин хәзер шәлперәйгән әбигә әйләнергә тиешме?!»
«Татар-Информ» архивы

Винера Ганиева хейтерларга җавап язган.

«Минем сәхифәмне күзәтүчеләр кемгә язганымны чамалыйлар. Минем бизәнүгә, киенүгә бәйләнәләр, тәнкыйть язып утыралар. Шуннан үзләренә рәхәтлек алалармы икән? Мине тәнкыйтьләп кәефемне төшерәм дип уйламагыз. Сезне кызганам гына мин, шул хәтле эчегез агу белән тулган! Мин артист кына түгел, мин — укытучы һәм без, остазлар, бөтен яктан да үрнәк булырга тиеш.

Әйе, өлкән яшьтәмен, аны да төрттереп язучылар бар. Барыбер көзге алдына килеп утырам, үземне тәртипкә китерәм дә, эшкә, шәкертләрем янына чыгып китәм. Урамда, кибетләрдә кешеләр таный, исәнләшә, автограф сорый.

Мин хәзер шәлперәйгән әбигә әйләнергә тиешме?! Көтмәгез дә! Авыр булса да, тормыш дәвам итә.

Чын инстадусларыма чиксез рәхмәтләремне белдерәм», — дип язган Винера ханым.

Җырчының виртуаль дуслары аның белән килешкән һәм шул рухта яшәвен дәвам итүен теләгәннәр.


Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100