Бер төркем җырчылар Пермь якларында гастрольләрдә. Алар арасында Винарис Ильегет тә бар. Винарис костюмын югалткан, эзләгәндә, ул үз костюмын яшь җырчылар Рөстәм һәм Айдар Гобәйдуллиннар өстендә күрә.
Бер Винарисның костюмын Рөстәм һәм Айдар икәүләп кигән. «Син безгә үзең бүләк иттең бит», – ди яшь җырчылар. Винарис аларга: «Ярар, киегез», – ди.
Винарис сүзләренчә, ул концерт костюмнарын махсус тектерә, ә көндәлек киелә торган киемнәрен Мәскәүгә барып сатып ала. «Мәскәүдә 2-3 кибет бар. Аларда зур размерлы киемнәр сатыла. Уңайлы, шул ук вакытта кыйммәт тә түгел», – ди Винарис «Интертат» хәбәрчесенә.
Шулай ук җырчы гастрольләр дәвамында кызыклы ситуацияләр гел булып торуын әйтте. «Үзебезгә кызык ясыйбыз, концертлар сагындырган. Ә бу ал котсюмымны бераз кигәч, игезәк малайларга бүләк итмичә булмас, дим. Аларга килешә бит?!» – ди Винарис.