Шансон җырчысы Вилли Токарев вафат булган. Аңа 84 яшь иде.
Автор-башкаручының үлеме турында аның улы Антон "РИА Новости"га хәбәр иткән.
Вилли Токарев Төньяк Кавказда туган. 1974 елда ул Израиль визасы белән АКШка китә, курьер һәм таксист булып эшли, аннары рестораннарда җырлый. Соңыннан АКШ гражданлыгы ала, One Man Band студиясен ачып, егермеләп альбом яздыра.
Ил чикләре ачылгач, 1989 елда СССРга килә, төрле шәһәрләрдә җырлый. 2000 елларда Россиядә яши башлый, Россия гражданлыгы ала. 2006 елда Мәскәүнең Таган районының мактаулы гражданы итеп табыла. Аның иң популяр җырлары - "Небоскребы", "Над Гудзоном", "Нью-йоркский таксист", "Рыбацкая", "Мы в жизни встретились", "В твой день рожденья".