Җырчы Гөлназ Асаеваның төркеме –музыкантлары, биючеләре белән куркыныч авариягә эләгүе турында хәбәр иткән идек. Әнисе Лилия Биктимерова ачыклык кертүенчә, авария Бәләбәй тирәсендә булган. Гөлназны һәм ике биюче кызларын Бәләбәйдәге хастаханәгә алып киткәннәр. Җырчы Стәрлетамактагы концертын күчерергә мәҗбүр булды.
Гөлназ үзе язылучылары, тамашачылары белән элемтәгә кермәде әле. Җырчының тормыш иптәше Вилдан Шәмсетдинов кына сторисларында үзләре белән барысы да яхшы булуын язды.
«Аллаһка шөкер, барыбыз да исән-сау… Әлегә эмоциональ яктан бик авыр. Мөһим сәбәп булмаса, борчымавыгызны үтенәм.
Уфа концерты булачак. Калганнары хакында төгәл генә берни дә әйтә алмыйм», – дигән Вильдан.
