Вил Усмановны машина бәрдергән
Татарстанның халык артисты, композитор Вил Усманов белән күңелсез хәл булган. Юлда баручы машинаның тәгәрмәче тишелү аркасында машина йөртүче велосипедта баручы Вил Усмановны бәрдергән. Аңа ашыгыч ярдәм күрсәтелгән.
«Сәлам, дуслар. Тормыш дәвам итә. Интернет челтәрендә минем турыда төрле хәбәрләр йөри. Шактый борчылып шалтыратучылар да бар. Кичә велосипедта М7 трассасында барганда машина бәргән иде. Мин исән-сау. Өйдә. Барыгызга да сәламәтлек телим!» — дип язган җырчы.
Инстачылар җырчыга сәламәтлек теләгәннәр.