«Википедия» авторларының берсе 52 яшендә вафат булган
Валерий Ковалев Германия Демократик Республикасында туган.
Рус телендәге «Википедия» авторларының берсе Валерий Ковалев 52 яшендә вафат булган. Бу турыда РИА Новости яза.
Ковалев Holodilnik.ru интернет-кибетен ачкан, рус телендәге «Википедия»гә нигез салучыларның берсе булган. Аның йөрәге авырткан, диелә «Викиновости» порталында.
«31 декабрьгә каршы төндә NoFrost (Ковалев псевдонимы) вафат булды. Йөрәк <…>», — диелә хәбәрдә.
Валерий Ковалев 1970 елның 24 апрелендә ГДРдагы Нойруппин шәһәрендә туа. Мәскәү авиация институтын тәмамлый. 1993 елдан суыткычларны күпләп һәм азлап сату белән шөгыльләнә. 2003 елда интернет-кибет ача. 2006 елда «Яндекс» компаниясендә медиапланер була.
