Видео: Бүген "Баскет-холл" түбәсендә бауга эленеп торган кеше зур шау-шу тудырды
Гадәттән тыш хәл бүген Казанда Спартак урамындагы спорт комплексы түбәсен кардан чистарткан вакытта килеп чыккан.
Кадрлардан күренгәнчә, көрәк тоткан ир-ат биектә страховка тросында эленеп тора. "Калган эшчеләр исә каушап калган һәм хезмәттәшләренә ярдәмгә килергә ашыкмый", - дип сөйли бу хәлне видеога төшереп торучылар.
"Татар-информ" хәбәр иткәнчә, Ринат исемле альпинист егылмаган, ул боз сөңгеләрен вату өчен, үзе шулай бауга бәйләнеп төшкән.
"Мин "Баскет-холл"ны инде ун ел чамасы боздан чистартам. Бу - гадәти хәл. Альпинист шулай бауга асылынып торып эшли", - дип сөйләгән ул.