Ташкабактан кабымлык әзерләү өчен бер ташкабак, 2-3 помидор, сарымсак, тоз, борыч, майонез, көнбагыш мае кирәк булачак.
Эш барышы:⠀
Ташкабакны тәгәрмәчләп турарга, 150 мл көнбагыш маенда яхшылап, (тәмам авызда эрерлек итеп пешкәнче) ике ягын да кыздырырга, ике ягына да (кыздыргач) әз генә тоз сибәргә кирәк. ⠀
Сарымсакны уып майонез белән кушарга һәм ташкабак өстенә сыларга. ⠀
Помидорны тәгәрмәчләп турарга, борыч һәм тоз сибәргә, кабат сарымсаклы соус сыларга (бу юлы әз генә), яшеллек турап өстенә сибәргә кирәк. ⠀
