Венера Шәмиевадан күңелсез хәбәр: кызының сыйныф җитәкчесе вафат
Җырчы Венера Шәмиева Инстаграм битендә әлеге күңелсез хәл хакында хәбәр итте.
Җырчының кызы Зөләйханың сыйныф җитәкчесе бакый дөньяга күчкән.
«16.02.21 Минем яраткан Лилия Магфуровна! Сез һәрвакыт безнең өчен үрнәк булдыгыз һәм үрнәк булып калачаксыз да! Минем икенче әнием! Минем сыйныф әнием! Минем иң-иң яратканым! Дөньяга позитив карарга өйрәткәнегез өчен зур рәхмәт сезгә! Сезнең белән бәйле бик күңелле хатирәләр бар. Безнең, 9А сыйныфының, әти-әниләребезнең, сезнең якыннарыгызның әлеге минутларда ни кичерүен сүз белән генә аңлатып булмый. Без сезне бик сагынабыз. Сез безгә бик җитмисез! Авыр туфрагыгыз җиңел булсын! Бик яратам сезне», — дип язган җырчының кызы Зөләйха үзенең Инстаграм битендә.