Венера Шәмиева дингә килүе турында...
Җырчы социаль челтәрләрдә еш кына тирән мәгънәле, зирәк фикерләре белән уртаклаша. Виртуаль дусларының дингә, Рамазан аена кагылышлы сорауларына да бик теләп җавап бирә.
Бу юлы ул үзенең дин юлына ни рәвешле кереп китүе турында язган.
“Син ничек дингә килдең?” – дигән сорауны еш кына бирәләр миңа. Бу сорауга: “Аллага шөкер, Аллаһ Тәгаләм мине сөекле колларыннан күрергә теләде, шуңадыр”, – дип җавап бирәсем килә...
Ястү намазын укый башлаганыма унбиш елдан артык вакыт узып киткән, биш вакыт намаз укыганыма – сигезенче ел, яулык япканыма – бишенче ел… Аллаһыма сыенып, әкрен генә, ләкин артка борылып карамаслык, ныклы адымнарым белән Аллаһыма барышым...
Алда әле зур хыялым – Олы Хаҗ, теләгемнең иң зурысы – ирем, әти-әниләрем, якыннарым аша Аллаһымның ризалыгына ирешү һәм хыялларымның иң-иң зурысы – кыямәт көнендә Аның йөзен күрү.
Раббым хәерле гомерләр генә насыйп итсен”, – дип язган Венера.
