«Великолепный век» сериалында Хюррем-султан ролен башкарган актриса бәби тапкан
37 яшьлек Мәрьям Узерли икенче тапкыр әни булган.
«Великолепный век» сериалы йолдызы, төрек-немец актрисасы Мәрьям Узерли икенче тапкыр әни булган. Мәрьям Узерли бу сериалда Хюррем-султан / Роксолана / (Александра) ролен башкара. 37 яшьлек әни кеше бәбинең фотосын инстаграмга куйган.
«Минем кадерлем Лили Кои… әтиең белән мин сине гаиләбездә сәламләүгә сөенәбез», — дип яза ул.
2014 елда Мәрьям беренче кызы Лараны тапты. Аның ире — төрек эшмәкәре Джан Атеш.
«Великолепный век» — төрек сериалы, тарихы драма жанрында. Ул тарихи фактларга нигезләнгән һәм Сөләйман патша заманы турында бәян итә.
