«Великолепный век» сериалында Солтан Сөләйманны уйнаган төрек актеры Халит Эргенч төрмә җәзасына хөкем ителгән. Бу хакта «Anadolu» агентлыгы хәбәр итә, дип яза «Татар-информ».
Истанбул суды аны ялган күрсәтмәләр бирүдә гаепле дип тапкан. Актерга 1 ел да 10 ай һәм 15 тәүлеккә иректән мәхрүм итү җәзасы бирелгән. Гаепләү ягы 2 ел да 3 ай сораган булган. Әмма суд Эргенчның моңа кадәр закон белән проблемалары булмавын исәпкә алган.
Актер суд карарына шикаять бирергә хокуклы, диелә хәбәрдә.
Эргенч 30дан артык фильмда төшкән. Ул «Великолепный век», «Моя Родина – это ты», «Отец и сын» һ.б. картиналардагы рольләре белән таныла.