Барлык язмалар news_header_top_970_100
news_header_bot_970_100

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Вәли, антитәнчекләр җенси юл белән күчә дип, бөтен бистәне «вакцинацияләгән» – мәзәкләр

Русиядә 14 нче гасырда бер китап мең сум торган. Кирәк бит, ә! Алты гасыр үткән, берни дә үзгәрмәгән.

news_top_970_100
Вәли, антитәнчекләр җенси юл белән күчә дип, бөтен бистәне «вакцинацияләгән» – мәзәкләр
www.freepik.com

Ире хатынының сөяркәсен тоткан да каты итеп кыйный икән. Болар янында ирнең хатыны чәбәләнә һәм бар көченә кычкыра, ди:

– Нишлисең син, юньсез? Ул бит синең балаларыңның атасы!

***

Вәли, антитәнчекләр җенси юл белән күчә дип ышандырып, бөтен бистәне «вакцинацияләгән». Кайберәүләрне – икешәр тапкыр. Шуннан бирле аның үзен дә Спутник дип йөртә башлаганнар.

***

Бүген шеф җыелыш җыеп, кәрәзле телефоныннан анда булган һәр кешегә шалтыратып чыкты. Аның шалтыратуына куелган көйләрне тыңлады да болай диде:

– Бу айда премиягә өмет итмәгез!

***

— Беләсезме, Россия коррупция буенча дөньяда икенче урын алган.

— Ә нигә икенче?

— Чөнки беренче урынга эләкмәс өчен ришвәт биргән.

***

1910 ел: жандарм революционерны төрмәгә утырта.

1917 ел: революционер жандармны төрмәгә тыга.

1937 ел: икесе дә ГУЛАГта утыралар.

1955 ел: икесе дә амнистиягә эләгеп чыгалар.

1993 ел: икесе дә картаеп беткәннәр, урамда очрашалар. Революционер урамда пирожки сатып утыра. Жандарм: «Безнең патша ничек сиңа пирожки сатарга рөхсәт итмәгән булды икән?!»

***

Кытайда ковидның яңа штаммын тапканнар, ул эчәклекләрне зарарлый икән. Битлек урынына памперс киябез дип, кайсыгыз шаярган иде анда?

***

– Доктор, мин сезне хатын-кыз буларак бер дә кызыксындырмыйммени?

– Юк. Мин – стоматолог, гинеколог күрше кабинетта.

***

Мәктәп укучылары тәнәфес вакытында сөйләшә. Берсе икенчесенә:

– Сиңа әти-әниең төшке ашка ничек шулай күп акча бирә соң? Минем әнине алдап булмый, ул ашханәгә шалтыратып, төшке ашның ничә сум икәнен белешә.

– Минеке дә төшке ашның ничә сум икәнен сорый.

– Ничек алдыйсың соң аны?

– Мин аны бер генә тапкыр алдадым – мәктәп ашханәсе урынына ресторан номеры бирдем.

***

– Сөйгәнем, 100 мең эшчем бар, дип әйтә.

– Умартачы ул. Бал кортлары тота.

***

– Ребе, берничә ел элек минем ирем югалды. Ничек уйлыйсыз, ул кайтыр микән?

– Мондый катлаулы сорауны мин баш раввиннан сорарга тиеш. Иртәгә килегез.

Икенче көнне:

– Ребе, баш раввин нәрсә диде?

– Ул, сезнең ирегез кайтачак, диде. Ләкин мин ул кайтмаячак дип күрәм.

– Ни өчен?

– Чөнки баш раввин сезнең үзегезне күрмәде.

***

Режиссер – драматургка:

– Мин сезнең пьесагызны укыдым, ләкин аны сәхнәдә куймаячакмын. Мин театрда сүгенү сүзләренә каршы.

– Текстта сүгенү сүзләре юк бит.

– Текстта юк. Ләкин сүгенү сүзләре залда булачак.

***

Безнең илдәге медицина белән ике бала үстергән теләсә кайсы әти-әнигә автомат рәвештә педиатр дипломы бирергә мөмкин.

***

– Без – иң борынгы һөнәр ияләре, акчага йоклыйбыз.

– Фахишәләрмени?

– Каравылчылар.

***

Әбисе ике атна буе оныгы белән мәктәпле уйнады. Икенче атна азагына ул оныгы өчен өй эше эшләп баруын аңлады.

***

Яхшы бухгалтерны табуы кыен. Шуңа күрә Мөнирә Закировна 20 ел розыскта санала.

***

– Сез алдагы эш урыныгыздан нигә киттегез?

– Ару сәбәпле.

– Нинди ару?

– Белмим. Барысы да миннән нык арыганнар дип әйттеләр.

***

Кичә минем әби дусларым белән скайп аша сөйләшүемне күрде дә президент белән телевизор аша сөйләшергә кереп китте…

***

– Бу операциягә ризалашуга караганда үлүең хәерле!

– Кызмагыз. Берсе икенчесенә комачауламый.

***

Кибеттә:

– Миңа бик кыйммәт булмаган бер тартма кәнфит бирегез әле.

– Кызларгамы?

– Табибка.

– Рәхмәт әйтергәме, үч алыргамы?

***

Үзизоляция вакытында:

– Чәчтарашханәләр бер ай эчендә ачылмаса, блондинкаларның 90%ы Җир йөзеннән юкка чыгачак.

***

Ресторанда сөйләшү:

– Официант, мин шәраб бокалында чал чәч таптым.

– Бу гаҗәп түгел, әлеге шәрабка 200 ел бит инде.

– Син мине яратасыңмы?

– Әлбәттә! Ә син?

– Мин дә үземне яратам!

***

– Мөршидә, бер шешә аракы кайда юкка чыккан?

– Мин яраны юдым.

– Нинди яраны тагын?!

– Җан ярасын...

***

Ике сисадмин сөйләшә.

– Минем компьютер көне буе үзе сүнә. Бөтен нәрсәне тикшереп чыктым, сәбәбен таба алмыйм.

– Синең система блогы аста урнашканмы?

– Әйе.

– Носкиеңны алыштыр. Ул аңын югалта.

Комментарийлар (0)
Калган символлар:
news_right_column_1_240_400
news_right_column_2_240_400
news_bot_970_100