Кабыгын әрчеп мәшәкатьләнәсе килми, дип вак бәрәңгеләрне пешерүдән баш тартырга ашыкмагыз. Аңардан да табынны бизәп торырлык ризык әзерләргә була. Мәсәлән, вак бәрәңгене кабыгы белән тәгәрәтеп пешереп булган кебек, кабыклы килеш майда кызартып ашарга да мөмкин.
Вак бәрәңгеләрне яхшылап юарга һәм кабыгын чистартмыйча суда пешерергә. Суга тоз да салырга ярый. Вак булгач, бәрәңге бик тиз пешә.
Кабыгы белән пешкән бәрәңгеләрне табага тезәргә дә, һәрберсен бераз гына кискәләргә яки сытарга (әйтик, бәрәңге өстенә стакан белән басып сытарга була). Шуннан соң бәрәңгеләргә көнбагыш мае, бераз ак май салырга, тоз-борыч, туралган сарымсак, үзегез яраткан тәмләткеч яшел үләннәр сибәргә кирәк.
Бәрәңгеләрне майда кызарту өчен табаны газ миченә куярга. Болай пешкән кабыклы бәрәңге кайнар килеш тә, салкын килеш тә тәмле.
Бәрәңге кабыгында ашказаны-эчәклек һәм йөрәк өчен файдалы матдәләр барлыгын онытмыйк.