Дәүләт Думасының Саклану комитеты башлыгы Андрей Картаполов белдергәнчә, «Вагнер» хосусый хәрби компаниясе махсус хәрби операция зонасыннан китүе сәбәпле, мобилизациянең яңа дулкынын үткәрүгә ихтыяҗ юк һәм якын киләчәктә дә булмаячак. Бу турыда ул бүген «ТАСС»ка хәбәр иткән.
«Яңа мобилизация дулкыны кирәк булмаячак. <...> РФ Президенты [Владимир Путин] бернинди яңа мобилизация булмаячагын, контрактка хәрбиләрне планлы рәвештә җыю, [хәрби] берләшмәләр һәм частьлар, шул исәптән резервны планлы рәвештә формалаштыру, аларны әзерләү баруын ачык, аңлаешлы һәм конкрет әйтте. Бүгенге көндә һәм якын киләчәктә мобилизация үткәрүнең кирәге юк», – диде Картаполов.
Ул билгеләп үткәнчә, бүгенге көндә «урта сроклы һәм бигрәк тә озак сроклы перспективада сугышчан потенциалны киметү куркынычы юк». Фетнә [омтылышы] вакытында алгы рәттә ЧВК «Вагнер» хезмәткәрләре юк иде, алар барысы да лагерьларда булган. Һөҗүмне [Украина Кораллы көчләреннән] кайтару аларның катнашыннан башка диярлек барды. Аларны резервта алыштыруга килгәндә, аларны алыштырырлык кешеләр һәм әйберләр бар», – диде Картаполов.