Вадим Захаров туган көне уңаеннан Чаллыда – концерт, Казанның «Туган авылым» ресторанында мәҗлес уздырды. Ике чарага да аның иҗатташ дуслары җыелды. Җырчы кунаклар арасында Рамил Шәрапов, Рифат Зарипов, Ильвина, Алинә Давыдова, Зинира – Ризат Рамазановлар, алып баручы Айрат Ильясов һ.б катнашкан.
Ресторандагы мәҗлес вакытында көтелмәгән хәл булган: Вадимны кунаклар чөяргә тотынган.
Бу күренешне Ризат Рамазанов башлап җибәрә. «Әйдә, Вадимны бер чөябез», – дип чакыра ул егетләрне үзе янына.
Җырчыны 7 тапкыр күккә чөяләр, «җиде – җитте» дип туктата аларны Зинира Рамазанова. Шушы күренеш бик күпләрнең кәефен күтәрә.