![Вадим Захаров хатын-кыз тавышы белән җырлый торган җыр өйрәнгән](https://intertat.tatar/resize/shd/images/uploads/news/2023/8/31/67f1b3ff54d49ce09b46dd1ce40c9116.jpg)
Вадим Захаров социаль челтәрдәге дусларына һинд телендә җырлап күрсәткән.
«Миңа 10 яшьләр тирәсе булганда, бер видеокассета килеп эләкте безгә. Солянка кебек концерт иде ул. Аны Камил Кәримов белән пародия остасы Газинур Шиһапов алып барды. Шунда миңа бик кызык тоелды инде Газинур Шиһаповның һинд телендә җырлавы. Минем аны башка күргәнем дә булмады, чит илгә акча эшләргә киткәч вафат булган, дип сөйләделәр. Мин аны җырны сүзләрен аңлап түгел, үзе чыгарып җырлагандыр, дип уйладым. Шулхәтле күңелгә үтеп калды инде ул», – дип сөйләгән Вадим җырны өйрәнү тарихын.
«Менә шулай үз кәефемне үзем күтәреп йөрим инде. Кәеф булмаган чаклар, юксынган, күңел тулган вакытлар күп була. Бигрәк хисле кеше булып чыктым. Кәеф булмаган вакытта балачактагы, яшь чактагы мизгелләрне искә төшереп, күңелне күтәреп йөрим мин, кешегә әйтмичә, шыпырт кына. Әллә нинди кызыклар искә килеп төшә. Сезнең белән дә бүлешеп барырмын әле», – дип сүз биргән ул онлайн тамашачысына.