Җырчы Вадим Захаровның Теләче якларындагы концерты төнгә хәтле сузылган. Чөнки Теләче тамашачысы концерт беткәч тә кайтып китмәгән. Вадим Захаровка «Без яраткан ярлар»ны да, «Шәфкать туташы»н да тамашачылар соравы буенча кат-кат җырларга туры килгән.
«Әле мондый хәлнең булганы юк иде. Вот Теләче тамашачысы – ут! Бик җылы кабул иттеләр. Тамашачылар шундый күңелле, дәртле иде. Концерт беткәч тә: «Әйдә тагын берне, «Без яраткан ярлар»ны, – дип сорадылар. Утырдык та тагын җырлар башкардык», – дип яза Вадим үзенең сәхифәсендә.