Вадим Захаров әниләргә багышланган соңгы җырын яздырган. Яңа җыр «Тыныч йокла, әни» дип атала.
«Тыныч йокла, әни… Наилә Булатова сүзләре, Илфир Искәндәров көе. Репертуарымда әниләр турында соңгы җырым», – дип тәкъдим итте иҗат җимешен моңлы җырчы.
Вадим Захаровның бу җыры да йөрәккә үтеп керә, сүзләре дә күңелдә кабатлана торган.
«Әнкәй дигән олы исемне мин
Саклыйм һәрчак йөрәк түремдә.
Сизәсеңме, ак чәчәкләр тотып,
Кабереңә килдем бүген дә.
Тыныч йокла, әни, тыныч йокла,
Борчымый бит сине беркем дә.
Елый-елый үткәннәрне сагынып,
Кабереңә килдем бүген дә», –
дигән юллар бар яңа җырда.