Вәхшилек: Яшь ир хатынының бер айлык баласын кыйнап үтергән
Ир-ат бер айлык баланың башына тугыз тапкыр суккан.
Мәскәү янындагы шәһәрдә яшәүче ир-ат бергә яши торган хатынының сабый баласын кыйнап үтергән. РЕН ТВ каналы шул хакта хәбәр итте.
Сергиев-Посадский районында яшәүче 25 яшьлек ир-ат бер айлык баланы үтерүдә гаепләнә. Бу кеше бергә яши торган хатынының баласын кыйнап үтергән, дип фаразлыйлар. Сорау алганда, бу ир үзе дә гаебен таныган.
25 яшьлек ир-атка гаепләү белдергәннәр. Бу хакта Тикшерү комитетының Мәскәү өлкәсе буенча идарәсе җитәкчесенең өлкән ярдәмчесе Ольга Врадий сөйләгән.
Тикшерү версиясе буенча, 7 октябрьгә каршы төндә гаепләнүче ир-ат сабыйның башына тугыз тапкыр суккан. Имгәнгән бала үлгән.
