Узган төндә Россия төбәкләре өстендә дошманның 605 пилотсыз очу аппараты юк ителгән. Бу хакта Россия Саклану министрлыгына сылтама белән «Татар-информ» хәбәр итә.
«Узган төн дәвамында 5 августта Мәскәү вакыты белән 20.00 сәгатьтән 6 августта 08.00 сәгатькә кадәр һава һөҗүменнән саклану көчләренең дежур бүлекчәләре Белгород, Брянск, Владимир, Воронеж, Калуга, Курск, Липецк, Түбән Новгород, Орел, Ростов, Рязань, Смоленск, Тамбов, Тверь, Тула, Ярославль өлкәләре, Мәскәү төбәге, Краснодар крае, Кырым Республикасы территорияләре, шулай ук Азов һәм Кара диңгез акваторияләре өстендә Украинаның самолет тибындагы 605 пилотсыз очу аппаратын юк итте», – диелә хәбәрдә.