Giannini Uso электроавтомобиле озынлыкка 3,2 метр. Ул сәгатенә 90 чакрым тизлек белән йөри ала һәм зарядкасы 235 чакрымга җитә.
1920 елда оешкан Giannini Automobili Италия компаниясе автомобильләр чыгаруга әйләнеп кайта. Яңа пикаплар 5 айдан сатуга чыгачак һәм 28500 евро торачак, диелә Autoweek сайты хәбәрләрендә.
Машинаның салоны ясалма тире белән әйләндереп алынган, эчендә кондиционер бар. 250 килограммга кадәр йөк сыйдыра ала. Арткы ягында тартып чыгарыла торган тартма көйләнгән.
2 урынлы Giannini Uso шәһәргә дә, уртача хәлдә булган юлларга да туры килә. Өй шартларында зарядка бирер өчен, аңа 3 сәгать җитә.
