Түбән Новгород өлкәсенең Сеченов районында үсмер егетне Мордовиядән кешене үтерүдә гаеплиләр. Вачка елгасында билгесез ир-ат мәете табылгач, Сергач районара тикшерү бүлеге җинаять эше ачкан. Бу турыда Россия Тикшерү комитетының Түбән Новгород өлкәсе буенча Тикшерү идарәсенең матбугат хезмәте хәбәр итте.
Тикшерү версиясе буенча, 24 мартта төнлә Мордовиянең Тургенево авылында 17 яшьлек үсмер 40 яшьлек ир-атның муенына пычак кадый. Җинаять эзләрен яшерү өчен ул әтисе белән бергә мәетне машинага салып алып китә. Алар Түбән Новгород өлкәсенең Обуховка авылы янына кадәр баралар. Мәетне Вачка елгасына ташлыйлар.
Хәзер үсмерне сак астына алганнар.
Соңрак ачыкланганча, мәете табылган ир-ат өч кешене үтергән өчен хөкем ителгән булган. Гаепләнүче үсмер сүзләренчә, 24 мартта бу ир-ат үсмернең үзенә һәм гаиләсенә үтерү белән яный.
Җинаять эшен тикшерү барышында үсмернең атасының гамәлләренә дә юридик бәя биреләчәк, диелә хәбәрдә.