Ильмира Нәгыймова тагын яңа машина алган. Шатлыклы хәбәрен ул социаль челтәрләрдә җиткерә.
Аллага шөкер, менә шуның кадәр акча җыйдым (пачка-пачка акча күрсәтә) һәм киттем командам өчен машина алырга.
Үзем белән горурланам. Беркем дә «мә» дип китереп бирмәде. Үзем!
Машинаны инде учетка да куйдык. Завод тонировкасын салдырырга кызганыч. Әмма: «Салдырыгыз, ярамый», – диделәр.
Хәзер бөтен командабыз белән бер автомобильдә йөриячәкбез, – дигән ул.
Ильмира әле узган ел гына үзенә дә яңа машина сатып алган иде.