Үзбәкстанда «Хәзерге заман татар хикәяләре антологиясе» басылып чыкты. Әлеге китапта татар хикәяләре үзбәк теленә тәрҗемәдә тәкъдим ителә. Бу турыда Татарстан Язучылар берлеге хәбәр итте.
Әлеге Антология Азәрбайҗанда азәрбайҗан телендә, Мәскәүдә рус телендә, Төркиядә төрек телендә, Казакъстанда казакъ телендә, Саха-Якутиядә якут телендә нәшер ителгән иде. Тиздән ул Чечен Республикасында чечен телендә дөнья күрәчәк, диелә хәбәрдә.