Помидорларны кышка үз согында әзерләү өчен:
3 кг вак помидор,
3 кг итләч, эре помидор,
3 аш кашыгы тоз,
9 аш кашыгы шикәр комы,
3 аш кашыгы 9 процентлы аш серкәсе,
1 баш сарымсак,
5-6 түгәрәк борыч кирәк.
Фото: © Гөлүзә Василова
Эре помидорларны һәм сарымсакны блендер белән вакларга яки иттарткычтан чыгарырга, утка куярга. Кайнап чыккач, бу массага вак помидорларны һәм яшел тәмләткечләрне салып, чама белән 15-20 минут пешерергә. Аннары стерильләштерелгән банкаларга тутырып, тимер капкач белән ябарга.
Вак помидорларны томатка салыр алдыннан, өсләренә кайнар су агызып, кабыгын салдырырга була.