NASA Украинаның космостан төшерелгән фотосын күрсәтте. 24 ноябрь төнендә төшерелгән фотода Украина күршесендәге илләрдә ут янганы күренә. Украина контурлары ачык күренә – аерым нокталарда гына ут яна.
Украина президенты Владимир Зеленский илдәге вазгыятьне «катлаулы» дип әйтте. Бөтен төбәкләрдә дә электроэнергия белән проблема күзәтелә. Россиянең һава һөҗүмнәреннән соң, 6 миллион кешенең электр утын кабызу мөмкинлеге юк.
Киевның 30 процентында ут юк. Электроэнергияне көненә 3-4 сәгатькә генә биреп алалар.