Комсомольск-на-Амуре шәһәрендә яшәүче ир белән хатын 2 яшьлек кызын ашатмый тоткан. Сабый һәлак булган. Бу турыда РЕН ТВ хәбәр итте.
Кыз бала ябыгудан үлгән. 2021 елда туган сабый мәетен 3 ноябрьдә кич белән фатирда табалар.
«Әтисе белән әнисе, үтерү максатында, 5 ай дәвамында кыз балага озак вакытка ашарга һәм эчәргә бирми. Нәтиҗәдә бала 3 ноябрьдә үлә. Экспертиза ачыклаганча, бала бик нык ябыгу нәтиҗәсендә үлгән», – дигән канал чыганагы.
Мәрхүмә баланың ата-анасын СИЗОга утыртканнар. Җинаять эше ачылган. 27 яшьлек ана һәм 29 яшьлек ата беркайда эшләмәгән, полициядә хисапта тормаган, диелә хәбәрдә.
