8 ноябрьдә Иркутск шәһәрендә янгын чыга. 13.39 сәгатьтә биш катлы кирпеч йортта яшәүчеләр экстрен хезмәтләрне чакыра. Икенче каттагы фатирда янгын чыгуын әйтәләр. Элеккеге тулай торак бинасын тиз арада төтен баса. Бу турыда Гадәттән тыш хәлләр министрлыгының Иркутск өлкәсе буенча идарәсенә сылтама белән «Комсомольская правда» яза.
Урынга килгән коткаручылар икенче кат тәрәзәсе төбендә малай басып торуын күрә. Коткаручы Дмитрий Перевозный тиз арада тәрәзә янына йөгереп килә һәм егылып төшкән баланы тотып кала.
10 яшьлек малай исән кала. Аны табиблар карый.
Утны берничә минут эчендә сүндереп бетерәләр. Шулай ук ике этне һәм песине коткаралар, алар ис газы белән агуланган була.