30 ноябрьдә кич белән Алтай краеның Благовещенский районындагы Долинка авылында 2 яшьлек кыз бала һәлак була. 15 яшьлек үсмер малай сеңлесен трактор чүмече белән бастыра. Нәни кыз урында ук үлә. Бу турыда тикшерүчеләргә сылтама белән «Комсомольская правда» хәбәр итте.
Фаҗига күп балалы гаилә яши торган өй ишегалдында була. 15 яшьлек малай трактор белән чүп эттерә. Шул чакта 2 яшьлек сеңлесе килеп чыга, ул трактор чүмече астында кала. Җитди имгәнгән кызчык урында ук җан бирә.
Алтай крае прокурорының ярдәмчесе Мария Антошкина сүзләренчә, тикшерү эшләре оештырылган.
Тикшерү комитеты җинаять эше ачкан.