Ленинград өлкәсендә 16 яшьлек малай юл һәлакәтендә үлгән. Бу турыда «Фонтанка.ру» яза.
Авария Осиновая роща һәм Магистральная торак пунктлары арасындагы юлның 25нче километрында була. Иртәнге биш тулырга ун минут тирәсендәге фаҗигадә үсмер малай үлә.
Якынча белешмә буенча, малай анасының машинасын алып чыгып киткән, ул йөреп кайтмакчы булган. Ләкин бала карлы юлда идарәсен югалта. Машина каршы як полосага чыга, аннары юл кырыена төшеп китә.
Үсмер малай урында ук һәлак була. Ул ашыгыч ярдәм табиблары килеп җиткәндә үлгән була инде.
Фаҗига сәбәпләрен полиция ачыклый.
Renault Logan машинасының хуҗасы – мәрхүм баланың 47 яшьлек анасы булган, диелә РЕН ТВ хәбәрендә.