Мәскәү өлкәсендә янгын хәрабәләре арасында ике кыз бала мәете табылган. Бу турыда Россия Гадәттән тыш хәлләр министрлыгына сылтама белән «Лайф.ру» хәбәр итте.
Фаҗига Богородское шәһәр округында була. Балалар «Лесное-2» бакчачылык ширкәтендә һәлак була.
Тикшерү комитеты һәм прокуратура фаҗига сәбәпләрен ачыклый.
«Якынча белешмә буенча, 4 гыйнварда каршы төндә шәхси йортта янгын чыга. Фаҗигадә 2008 һәм 2009 елда туган ике кыз һәлак булды», – дигәннәр прокуратурада.
Янгын ачык ут белән саксыз эш итү сәбәпле чыккан, дип фаразлыйлар. Янгын-техник экспертизадан төгәл сәбәп билгеле булачак, диелә хәбәрдә.
