Волгоград өлкәсендә 15 яшьлек кыз баланы ток сугып үтергән. Бу турыда «Волгоград.Онлайн» хәбәр итте.
Фаҗига Новая Надежда бистәсендә була. 15 яшьлек кыз бала тавык кетәклегендә һәлак була. Тикшерү комитеты җинаять эше ачкан.
Якынча белешмә буенча, 26 апрельдә 15 яшьлек кыз Новая Надежда бистәсендә шәхси йортта була. Ул гаражга бара. Биредә кош-корт асрау өчен бина ясалган. Кыз бала тавыклар ашатырга керә. Металл конструкциягә орынгач, баланы ток суга, ул аңын югалтып егыла.
Баланы тиз арада фельдшер-акушерлык пунктына илтәләр. Ләкин реанимация чаралары ярдәм итми, кыз ФАП бинасында үлә.
Хәзер тавык кетәклегендә читлектә ток булу сәбәбен тикшерүчеләр ачыклый, диелә хәбәрдә.