Россиядә 2026 елның июлендә икътисади эшчәнлекнең биш төрендә уртача хезмәт хакы 200 мең сумнан артып киткән. Бу хакта Росстат мәгълүматларына сылтама белән ТАСС хәбәр итә.
Алар арасында иң югары күрсәткеч финанс һәм иминият эшчәнлеге өлкәсендә булган – 243,4 мең сум. Тәмәке эшләнмәләре җитештерүдә уртача хезмәт хакы 230,3 мең сум, һава һәм космик транспорт өлкәсендә 227,3 мең сум тәшкил иткән.
Экстерриториаль оешмалар һәм органнар эшчәнлегендә бу күрсәткеч 224,3 мең сумга җиткән. Нефть һәм табигый газ чыгару өлкәсендә эшләүчеләрнең уртача хезмәт хакы 208,7 мең сум тәшкил иткән.