Урта Әләзән авылында дүрт кеше сөрем газы белән агуланып үлгән, икесе – балалар
![Урта Әләзән авылында дүрт кеше сөрем газы белән агуланып үлгән, икесе – балалар](https://intertat.tatar/resize/shd/images/uploads/news/2023/12/16/84c39887d27eb524ac32487523b7e88b.jpg)
Пенза өлкәсенең Урта Әләзән авылында 2 өлкән кеше һәм 2 бала сөрем газы белән агуланып үлгән. Бу турыда РЕН ТВ хәбәр итте.
Фаҗига 16 декабрьдә иртән Такташ урамында урнашкан йортларның берсендә була.
«Балалар – 2009 һәм 2010 елда туган малайлар», – дигән телеканал чыганагы.
Якынча белешмә буенча, өйдә газ казаны дөрес эшләмәү сәбәпле, кешеләр сөрем газы белән агуланган. Төгәл сәбәпне белгечләр ачыклаячак, диелә хәбәрдә.