Урманда агач күркәсе җыючылар белән умартачылар арасында низаг вакытында ике кеше үлгән
Приморье красенда агач күркәсе җыючылар белән умартачылар арасында низаг килеп чыккан һәм 2 кеше һәлак булган. Бу турыда «Вести» каналы хәбәр итте.
Фаҗига Лазовский районының Иске Каменка авылы янында урманда була. Янгын чыккан мунча эчендә 2 кеше мәете табыла. Урында тикшерүчеләр эшли. Җинаять эше ачылган.
Күркә җыючылар һәм 2 умартачы мунчада ял иткән. Алар хәмер эчеп утырган һәм шуннан соң сугыша башлаганнар.
Тикшерүчеләр ачыклаганча, күркә җыючыларның берсе умартачының башына каты предмет белән суга, ир-ат урында ук үлә. Җинаять эзләрен яшерү өчен, күркә җыючылар мунчага ут төртә. Бу вакытта мунчаның икенче катында йоклап яткан тагын бер умартачы да һәлак була, диелә хәбәрдә.
