Җырчы Айгөл Бариева социаль челтәрдәге сәхифәсендә тавык итен үреп пешерү рецепты белән уртаклашкан.
Тавык түшен тасмалап кисәргә һәм 1 сәгатькә соус белән болгатып куярга.
Соус өчен 1 аш кашыгы бал, 1 аш кашыгы горчица, 100 мл соя соусы һәм тәмләткечләр кирәк була.
Аннары тавык итен толым кебек үрергә, итнең ике башын да шпажка белән беркетеп куярга. Табага үсемлек мае салырга һәм «толымнырның» ике ягын да кыздырып алырга, капкачын ябып, 10 минут пешерергә.
Пешеп чыккач, шпажкаларны алырга һәм табынга матур итеп бирергә. Гарнирга яраткан ризыгыгызны (бәрәңге, ярмалар) әзерли аласыз.
