Казанның «Болгар» мәчете телеграм-каналында ураза тота алмаучы һәм ураза тотырга ярамаган кешеләр турында аңлаталар.
Ураза тота алмаган кешеләргә нишләргә?
Ураза тотарга көче җитмәгән бик зәгыйфь, карт яисә авыру кеше ураза тотмаса, һәркөннең уразасы урынына бер фәкыйрьне туярлык итеп ашатырга яки ризык алырга җитәрлек акча (фидия) бирергә тиеш була. Әгәр Рамазан аеннан соң шул кеше сәламәтләнсә, калган уразаларын каза кылырга тиеш.
Кемнең өчен ураза тоту дөрес түгел дип санала?
Хәез (хатын-кызларда һәр ай саен була торган күрем хәле) һәм нифас (бала тудырганнан соң хатын-кызларның аналыгыннан килә торган кан) белән гозерле булган хатыннарга ураза тоту дөрес түгел. Ләкин алар рамазан аенда тотылмый калган уразаларын рамазаннан соң каза кылырга тиешләр.
- Күңел көткән Ураза-2025: барлык кагыйдәләр турында тулы кулланма