Башкортстанның Бүздәк районында Иске Богады авылында 10 апрель төнендә мәчет янган. Бу турыда «Башинформ» хәбәр итте.
Бер катлы мәчеттә янгынны сүндерү өчен 10 кеше, 7 берәмлек техника җәлеп ителгән. Янгынны оператив рәвештә сүндергәннәр.
Һәлак булучы һәм зыян күрүче кешеләр юк. Урында экспертлар эшли. Янгын сәбәпләре ачыклана, диелә хәбәрдә.
https://newsbash.ru белешмәсе буенча, янгын бинаны тулысынча юк иткән. Башкортстан Диния нәзарәте җитәкчесе Айнур Биргалин, мәчет яңартылачак, дип ышандырган.