Тамбов урамыннан коляска белән баручы хатынның сабыен урлап алып киткән кешене психиатрия экспертизасы көтә. Бу турыда «Вести» каналы хәбәр итте.
Ир-ат баланы коляскадан алган һәм качып китмәкче булган. Җинаять эше ачылган, тикшерү бара.
Тикшерүчеләр белешмәсе буенча, 51 яшьлек ир-ат коляска янына кисәк кенә килә. Колясканы 34 яшьлек хатын этеп бара. Ир-ат сабыйны йолкып ала, машиналар йөри торган юлга таба китә, аннары бала тоткан килеш узып бара торган машина капотына ташлана.
Җинаятьчене шаһитлар тоткарлый. «Мин төрмәгә керәсем килә», – ди бала урлаучы кеше.
Сабыйны хастаханәгә илтәләр, табиблар аны бит имгәнүен ачыклый, диелә хәбәрдә.
