Алтай краеның Бийск шәһәрендә 12 яшьлек кыз баланы урлап, подвалда чылбырга бәйләп берничә көн тоткан ир-атны хөкем иттеләр. Ул 20 елга төрмәгә китә. Бу турыда РЕН ТВ хәбәр итте.
Былтыр 31 июльдә 40 яшьлек ир-ат урамда велосипедта йөрүче кыз баланы күрә һәм эләктереп ала. Ир-ат кызны бәйли дә урлап алып китә. Җинаятьче корбанының әйберләрен һәм телефонын суга ыргыта, имеш, бала суга баткан.
Аннары кызны волонтерлар һәм хокук саклаучылар эзли башлый. Җинаятьче шуннан соң тоткын кызны иреккә чыгарып җибәрә, үзе качып китә. Аны 12 августта Алтай краенда табалар.
Җинаятьче гаебен таныды, диелә хәбәрдә.