Урамда егылганнан соң кайбер билгеләр булса, ашыгыч рәвештә табибка мөрәҗәгать итәргә кирәк. Бу хакта табиб-реабилитолог Сергей Агапкин «Россия 1» каналында сөйләгән, дип яза «Радио 1» басмасы.
Табиб сүзләренчә, урамда егылганда баш бәрелсә, баш сөяге һәм баш мие имгәнергә мөмкин, һәм шуның аркасында кайвакыт баш миендә шешенү дә була. Гомер өчен куркыныч бу халәт берничә сәгать эчендә килеп чыгарга мөмкин. Билгеләре: күңел болгана, колаклар шаулый һәм баш әйләнә.
Мондый халәтнең беренче билгеләре сизелүгә үк «ашыгыч ярдәм»гә мөрәҗәгать итәргә кирәк, дип киңәш итте реабилитолог.
