Урамда асфальт ярылып, кыз җир астына төшеп киткән - видео
Куркыныч хәл Кытайда була.
Кытайда булган бу хәлне урамдагы камера төшергән. Бу күренеш турында PearVideo яңалыклар порталы язган. Ланьчжоу шәһәре урамында асфальт җимерелеп, бер кыз җир астына төшеп киткән. Бәхеткә, шул тирәдәге кешеләр кызны коткара алган. Ул тән җәрәхәтләре алса да, исән калган. Бу күренешнең сәбәбе - канализация эшләре вакытында җир астында куышлык барлыкка килү.
Октябрь азагында шундый ук хәл Төркиянең Диярбакыр шәһәрендә булган иде. Ике хатын урамда басып торганда, алар аяк астындагы асфальт җимерелеп, алар җир астына төшеп китә. Бәхеткә, бу хатын-кызларга да зыян килми.